Nandri : இந்திரா கிறுக்கல்கள்
Source : http://chellakirukkalgal.blogspot.com/2010/06/blog-post_14.html
பிறந்த குழந்தைக்கு கொடுக்கப்படும் தாயின் முத்தம் - நீ
தூக்குக் கைதிக்கு நிறைவேற்றப்படும் கடைசி விருப்பம் - நீ
திருந்தியவனுக்கு வழங்கப்படும் பாவமன்னிப்பு - நீ
தொடர் தோல்விக்குப் பின் பெறும் முதல் வாய்ப்பு - நீ
அடைமழையில் சிறுவன் பொறுக்கும் ஆலங்கட்டி - நீ
பதில் எதிர்பார்க்கும், தெரிவிக்கப்பட்ட ஒரு தலைக் காதல் - நீ
விதவை நினைவிலிருக்கும் காதல் வாழ்க்கை - நீ
முதல் பதவியை தவறவிட்ட ஒற்றை மதிப்பெண் - நீ
அடிமை வேலைக்கு கிடைத்த விடுமுறை நாட்கள் - நீ
முத்துக் குளிப்பவன் அடக்கும் ஆழ மூச்சு - நீ
திரும்பக் கிடைத்த தொலைந்த சான்றிதழ் - நீ
பாலைவன மணல் மீது விழும் சிறு தூரல் - நீ
யுகங்கள் தவமிருக்கும் யோகிக்குத் தெரியும் ஜோதி - நீ
சிறுமியின் புத்தகம் நடுவிலிருக்கும் ஒற்றை மயிலிறகு - நீ
அன்னை ரசிக்கும் மழலையின் உறக்கப் புன்னகை - நீ
நாளிதழில் பரீட்சை எண் தேடும் மாணவப் பதற்றம் - நீ
தனிமையில் நினைவலைகள் சிந்தும் கண்ணீர்த்துளி ௦- நீ
சந்தித்த தோழர்களுக்கு இடையே நிகழும் முகமலர்ச்சி - நீ
பேச ஏங்கிய தோழியிடமிருந்து வரும் தொலைபேசி அழைப்பு - நீ
என் வாழ்வின் வசந்த கால அத்தியாயங்களின் தொகுப்பு - நீ
Posts
No comments:
Post a Comment
Your feedback's/comments are welcome. Will be posted after moderation.