ஒரு பெண்ணின் உணர்வுகள் !

பகிர்வுக்கு நன்றி :  : Nagoorkani Kader Mohideen Basha

நானும் ஒரு பெண்
ஆனால்
எனக்குள்ளும் உணர்வுகள்
இருக்கிறது
என்பதை
இன்னும் ஏன் நீங்கள்
புரிந்து கொள்ளவில்லை ?

என் வெள்ளைத் தோலை
உற்று நோக்கும்
வெட்கம் கெட்ட
மனிதர்களே !

எனக்குள் ஒழிந்திருக்கும்
வெள்ளை இதயத்தின்
விசும்பல்களை
அறிவீரோ ?

பளிச்சிடும் மேனி ;
பருத்த தொடை ;
பட்டுக் கன்னம் ;
பரிமளிக்கும் கூந்தல் ;
சிறுத்த இடை ;
பெருத்த தனங்கள் ;
இவை இருந்தால் தானே
உங்கள் அகராதியில்
எனக்கு பெண்
என்று பெயர்

உங்கள் கண்ணுக்குத்
தெரிவது
என் புற அழகு
மட்டும் தான்

கால் நடைகளைப் போல
கீழ்த்தரமாக
எங்கள் இனத்தை
அடக்கியாள நினைக்கும்
ஆண் வர்க்கத்துக்கு
ஒன்றை மட்டும்
உரத்து சொல்ல விரும்புகிறேன்

நாங்கள் பூப் போல
மென்மையானவர்கள் தான்
வன்மையும்
எங்களுக்குள் குடியிருக்கின்றது
ஜாக்கிரதை !

குறிஞ்சிக் கவி செ.ரவிசாந்