அத்தனை அழகையும்

Source : கனா காண்கிறேன்

பச்சை குழந்தையின் பாதம்
பருவப் பெண்ணின் முகப்பரு
பட்டாடை போர்த்திய செவ்வானம்
பாடித் திரியும் பட்டாம் பூச்சி
பள்ளிச் சிறுமியின் அழுகை

காற்றில் சிரிக்கும் பூக்கள்
காதல் கொண்ட வண்டுகள்
காகிதத்தில் செய்த ஓடம்
காலைத் தழுவும் கடலலை
கார் மேகத்தின் கருமை

விடலையின் அரும்பு மீசை
வீரனின் நெஞ்சுத் தழும்பு
விடியல் நேரத்து வெண்பனி
வியர்வைத்துளி வழியும் நெற்றி
விரிசல் கொண்ட தண்டவாளம்

மழலையின் கொஞ்சும் மொழி
மார்கழி மாதத்து ரங்கோலி
மண்ணை முத்தமிடும் மழை
மலையிலிருந்து கொட்டும் அருவி
மங்கையின் மகரந்த இதழ்

அந்தி பொழுதின் மஞ்சள் வெயில்
அறுவடைக்கு காத்திருக்கும் வயல்
ஆகாயம் தொட முயலும் பட்டம்
ஆத்தங்கரையோர அரசமரம்
ஆற்றோடு செல்லும் பரிசல்

அத்தனை அழகையும்
ரசித்துக் கொண்டிருக்கிறோம்..
அமர்ந்த இடத்தில் இருந்து 

கூகுளில் பதிவிறக்கம் செய்து..